Remove

Egia esan, bideo hau kritikatzen duena ez nau batere harritzen. Informazioaren gizartean bizi gara eta teknologia berriak gero eta arinago hedatzen ari dira. Teknologia berrien kontsumitsaileak, hau da, munduko milio asko hauen kontrolpean gaude. Guk mugikorrak, Interneta eta kredito txartelak erabiltzen ditugu. Gehienetan ez gara ohartzen zer-motako kontrola dagoen baina gero eta arruntagoa da entzutea kredito txartelekin kontuz izatea edo Interneteko erabilerarekin, batez ere Tuenti, facebook eta halako programekin. 

Niri behintzat ez zait asko gustatzen Interneten nire datuak sartzea eta gero eta fideltasun gutxiago daukat posta elektroniko programekin, hotmail edo gmail bezala. Nahiz eta zure datu pertsonalak edo informazioa sartzea  nahi ez izan, beti gaude Internetekin lan egiten eta ezinezkoa da posta elektronikoa edo blogetan parte ez hartzea. 

Niri gehien kezkatzen nauena da datozen urteotan zer gertatuko den. Hau da, nola bilakatuko den teknologia eta gizartearen informazioa. Orain, oso arin hedatzen ari da eta ez dakigu datozen urteotan jarraipen hau jarraituko duen edo gauzak lasaituko direla eta hedapen hau murriztuko dela. 

Nik, behintzat hori espero dut. Teknologiak gustatzen zaizkit baina erabilera murriztu batean, batzuetan aisialdirako eta beste batzuetan lan egiteko. Espero dut, datozen urteotan bideo honek aipatzen duena egia ez izatea eta demokratizazio gehiago izatea teknologian eta gizartearen informazioan.

Testu birsartua

Zer da TRILINGUISMOA?Trilinguismoaren helburu linguistiko garrantzitsuena, ikasleak hiru hizkuntzatan komunikatzeko gai izatea da. Horretarako, irakasleek oso ondo jakin behar dituzte hiru hizkuntzak eta nola irakatsi umeei. Ez da lan erraza eta denborarekin ikusiko da nola bilakatzen den trilinguismoa gure gizartean.
 

Blogak eta atzerriko hizkuntza

Gaur egun gero eta arruntagoa da blogen erabilera. Hau da, ez dira bakarrik banakako lana egiteko baizik eta talde lanak egiteko. Lehen, blogak erabiltzen ziren bakoitzak bere gauzez idazteko edo beste jendearekin harremanetan egoteko. Azken urteotan edo hilabeteotan ostera, blogen erabilera hedatu egin da eta hezkuntza eremuan blogen erabilera oso interesgarria eta sistema erosoa da.

Ikastola eta ikastetxe askok blogak erabiltzen dituzte. Blog hauen bitartez gauza asko ikasi daitezke eta oso sistema lagungarria da hainbat ikasgai eskuragarri izateko interneten. Esterako, ikastetxeko azken berriak jakiteko edo edozein ariketak egiteko.

Orain gure gizartean trilinguismoa bilakatzen ari denez, hainbat blog daude hizkuntzak lantzeko. Guri interesatzen zaizkigunak, ingelesekoak eta euskarakoak dira. Esaterako, euskara hizkuntza lantzeko oso ondo dago euskaljakintza bloga. Euskaljakintza duela pare bat urte sortu zen eta oso lagungarria da euskara ariketak egiteko eta euskararen hainbat ezaugarri berriak jakiteko. Ingelesa lantzeko ostera, oraindik ez ditugu hanibeste informazioa eta nireu ustez oso ondo egongo litzateke euskaljakintza blogaren antzeko beste blog bat sortzea ingelesa lantzeko. Hau da, ingelesa hizkuntza bigarren hizkuntza bezala ikasteko beharrezkoak diren baliabideak izatea. Horrela, bermatuko genuke trilinguismoa gure hezkuntza sisteman.

Prometeus: The media Revolution

Prometeus: The Media Revolution

Bideo hau oso interesgarria iruditu zait. Batez ere, etorkizunera begiratzen duelako eta gizarteak eta teknologia berriak nola mugitzen ari diren kontatzen duelako. Bideoaren gai nagusia Internet eta teknologia berrien bilakaera da. Nola aldatu diren gizarteko hainbat ohiturak eta zer-nolako ohitura berriak asimilatzen ari garen. Hau da, bideoan azaltzen da nola testu idatzitik, on-line testura pasatzen ari garen eta gero eta arruntagoa dela Interneten bitartez egunkaria irakurtzea, ez lehen bezala paperezko edizioan.

Bideoan agertzen dira Interneten dauden enpresa edo erakunde nagusiak. Esate baterako on-line egunkariak, wikipedia, Google edo Prometeus. Ikusi al dugu bideoan zehar nola urteak pasatu ahala, enpresak beste enpresetan bihurtzen direla, nola telebista eta irratia desagertzen diren, Internet menpea hartzen duelako etb.

Nire ustez behintzat, bideo hau gogoeta bat egitera behartzen gaitu. Gu Internetaren hedapena bizitzen ari gara eta batzuetan ez dakigu non eta noiz amaituko den. Batzuetan, beldurgarria iruditzen zait teknologia berrien hedapena zeren etorkizunean nola bilakatuko den ez baitakigu.

Informazioaren gizartea

Informazioaren gizartea
Gaur egun, Informazioaren gizartea garrantzi handikoa da gure gizartean. Gero eta jende gehiago hitz egiten du kontzeptu berri honetaz eta gero eta esparru ezberdinetan erabiltzen da. Esaterako, Hezkuntza esparruan oso interesgarria eta garrantzitsua izan da gizarte informazioa. Lehen Hezkuntzan eta Bigarren Hezkuntzan Teknologia Berrien (TIC) garrantzia jakinarazi ari zaie ikasleei.

Gizartearen informazioa, informazioaren demokratizazioa adierazi du. Hau da, gaur egun informazioa eskuragarri dugu Teknologia Berrien bitartez eta jende mota guztiontzat eskuragarri dago. Lehen, askoz ere zailagoa zen informazioa bilatzea eta aurkitzea. Jendeak denbora gehiago ematen zuen informazioa berria aurkitzen eta beste motatako baliabideak erabiltzen ziren. Gaur egun ordea, informazioa teknologia berriekin lotuta dago eta gure gizartea honen barnean kokatuta dago. Gure gizartea ohutura berriak asimilatzen ari da eta denbora gutxian gainera.

Nire belaunaldiko jendeak ikusten ari gara Teknologia berrien garrantzia eta zein arin gauzak aldatzen ari diren. Gaur egungo ikasleak ordea, teknologia berriekin batera hazitzen ari dira eta arraroa egiten zaie Internet edo ordenagailurik gabe eskolan lan egitea.